الرشة الدياري طريقة صنع الرشتة بالتفصيل مع الشاف عمر 🇹🇳🇹🇳🇹🇳🇹🇳👨‍🍳 تحضيرات شهر رمضان الكريم

الرشة الدياري
طريقة صنع الرشتة بالتفصيل مع الشاف عمر 🇹🇳🇹🇳🇹🇳🇹🇳👨‍🍳 تحضيرات شهر رمضان الكريم

قبل مانبدا دعوةخيرالأمي ربي يرحمها لعلمتني برشة حاجات نفعتني في تكويني كطباخ

الوصفة وهي لعلمتهالي وأنا إنشاء الله نفيدكم بيها

ثلاث كيلات سميد ناعم
كيلة فرينة
ملح
2مغارف كبار زيت
نلمها بالماء حتى تولى عجينة شادة روحة و يابسة.
نكورها كويرات و نخليها ترتاح
ناخد الكويرة الاولى نغمسها في النشاء و نحلها و نقسمها على ثلاث ثم نحلها بالحلال و نمررها في الماكينة من رقم 3تم 5 الي و ننشرها فوق قطعة قماش و الا غربال و نخليها تشيح شوية موش حتى تيبس راني نوصي.
بعد مانكمل نبدا نمررها في جهة الرشتة في المكينة و نخليها تشيح مرة ثانية نحط كسكاس و قدر فوق النار و ندهنه بالزيت و نحط كمية قليلة من الرشتة و نقلبها بفرشيطة مغمسة في الزيت كي نشوفها تبدل لونها ولات شفافة نحيها و نحطها فوق قماش ونخليها تبرد ثم نحطها في الثلاجة في ساشي او مجمد لحين الاستعمال كان تحبها ديمة جديدة و الا نشيحها في الشمس كيما لحلالم
ملاحظة شاف عمر 🇹🇳🇹🇳🇹🇳🇹🇳👨‍🍳✌نفس العجينة تنجم تعمل منها النواصر الفرق انك كتحلها بالقلقال تكون أجود و تتقص بالسكينة او قصاص البيتزا مربعات صغار
صحة و بالشفاء
شاف عمر 🇹🇳🇹🇳🇹🇳🇹🇳👨‍🍳✌