كيك البرتقال 🥮🥮

تعالي هقولك علي طريقة كيك البرتقال
من غير برتقاااال 🤔 اه والله زي ما بقولك كده
اقولك التقيله ومن غير بيض كمان يالااااا وروني الحجه بتاعتكو ايه انكو متعملوش كيكه 😂😂😂😂

كيك البرتقال 🥮🥮
مقدمه من شف هدير مجدي
المقادير
٢ كوب دقيق
كوب زيت
كوب سكر
كوب لبن
ظرف فانليا بطعم البرتقال وهنا السر كله 🥴🥴
كيس بكينج بودر
رشة ملح
طريقة التحضير
هنحط ف الخلاط اللبن والزيت والسكر والفانليا
ونضربهم كويس جدااااااا
هنضيف علي الدقيق رشة الملح وكيس البكينج بودر
ونقلبهم
وننزل ب الخليط السايل عليهم ونقلب اتجاه واحد المكونات كلها كويس عندنا صنيه مدهونه زيت ومتعفره ب الدقيق
تكون مقاس ٢٤ او ٢٦
ويكون الفرن شغال من قبل العمايل
هنحطها ف الفرن رف وسط لمدت تلت ساعه
وهنختبرها بعصاية شيش او شوكه لو طلعت مفهاش عجين تبقي استوت لو فيها عجينه نسبها شويه
طبعا كل فرن وحسب درجة حرارته
ولما تستوي نطلعها نستني لما تهدي ونقدمها
مع كباية شاي بلبن والف هنا وشفااااا
اه نسيت اقولك الريحه هتجيب اخر الشارع يعني لو العماره كلها طلعت خبطت عليكي انا مش مسؤله
وابقي شليلي حتة كيكه ياكيكه انتي وهيا 😂🤎😋
اوعي تنسي تدعيلي 🤲🏻🤎