سنه أولي أمومه
- كتبت أ_ شريفه حسين
سنة أولى أمومة من أصعب السنين اللي بتمرّ على أي أم، فجأة مفيش نوم، عياط متواصل طول اليوم، كائن مش عايز حد غيرك ، مبيعرفش يعبر عن أي حاجه غير بالعياط
معندهاش أي خبرة، ولا فاهمة هو بيعيط ليه ، لو تعب بشوية برد أو مغص بتترعب
وفوق كل ده بتخاف تشتكي، لأنها لو اشتكت اللي حواليها هيتهموها بالدلع، وانها مش أول واحدة تخلف، ولما يكون عندها اتنين ولا تلاتة ايه اللي هتعمله
وكل واحدة معدية جنبها لازم ترميلها كلمة تحسسها انها مقصرة، وتنتقدها في أي شيء .
وهي بتكون متخيلة إن حياتها هتفضل كدا ، مش عارفة ان مع الوقت نومه هيتعدل وهيبدأ يتحرك، وياكل، ويتكلم، ويلعب، وأنها مرحلة وهتعدي ..
بس لازم كل أم جديدة تقرأ عن أول سنة وهي حامل عشان متتفاجئش، وتعبر عن مشاعرها، ومش مهم الناس هتقول ايه ، وتطلب المساعدة بالذات من زوجها لحد ما السنة الاولي تعدي على خير وتكون خبرة ..
وحطي في بالك انه انتِ مش بتدلعي ، وهي مرحلة صعبة فعلا، واتأكدي أن نفسيتك وصحتك بينعكسوا على طفلك الرضيع ..
