كيكة بيناكولادا

حلا ضيافة العيد ⚘⚘
كيكة بيناكولادا 🥰🥰

مقدمة من الشيف/ شوشو عرابي

فى البداية هنعمل كيكة فانيلا بأى طريقة معتمدة عندك او نستخدم كيكة جاهزة فى بولة هنضرب ( ٣ بيضات + فانيلا + كوب سكر ٢٠٠ جرام لمدة دقيقتين ونضيف كوب الا ربع زيت ١٥٠ جرام + ١/٢ كوب حليب ١٣٠ جرام ونضرب ونضيف ٢ كوب دقيق ٢٦٠ جرام + رشة ملح + م ك بيكنج بودر ) ونقلب الخليط فى اتجاه واحد 👌👌

هنصب الخليط فى قالب مبطن بزبدة ورشة دقيق وتدخل فرن ١٨٠ درجة لمدة ٤٥ دقيقة وتخرج نسيبها ونقسمها لديسكين ✌
فى صنية التشيز هنحط اول ديسك ونسقيه سيرب كمبود أناناس وطبقة من الباسترى كريم سواء بيتى او جاهز وقطع أناناس ورشة جوز هند وديسك الكيك التانى وبرده هنسقيها ونضيف طبقة كريم شانتيه ونغلف الكيكة بالكريمة👍👍
وللتزيين قطع أناناس وشرايح جوز هند محمص وتدخل التلاجة ساعة وتتقدم وبالهنا والشفا لذيذة 🤩🙈