متابعة / نهي حسن
أنتِ ليه مغطية نص وشك بشعرك ؟
– لأني بشعة و بيقولوا لي يا ساحرة يا شريرة
– بشعة!!
– اه صحابي بيقولوا لي كدا
-و أنتي بتعملي إيه ؟
– ببكي
– و أهلك ما بيرحوش يتكلموا مع الإدارة ؟
– لا
– أنتي في أي صف ؟
– أنا سبت المدرسة
– ليه ؟
– لأن اصحابي بيتنمروا عليا
– بتلعبي مع مين ؟
– مع حالي اخواتي رافضين يلعبوا معايا بيقولوا لي إني بشعة و شريرة
– بتعملي إيه طول اليوم ؟
– برسم
– بترسم إيه ؟
– الشريرات
– ليه ؟
– لأنهم بيشهبوني
– بس أنتي حلوة
– بتقول كدا لأنك ما شفتش وشي
– بتعملي إيه لما صحابك بيتنمروا عليكي ؟
– ببقى عاوزة اشيلها بالسـ كينة
– تشيلها ؟!
– اه
– عاوز اشوف وشك بتشيلي أنتي شعرك و لا اشيله أنا ؟!
– شيله أنت بس قول الحقيقة
عيون متعلقة على نظراته مترقبة ردة فعله من الشامة اللي في وشها، بص لها و قالها بكل بشاشة و حب
– أنتي كتير كتير كتير كتير كتير كتير حلوة
عيناها لسه حزينة و قالت له
– أنت أول واحد تقولي كدا !
و دا إن دل على شئ يدل على إن الأهل أول المتنمرين الأب و الأم سكوتهم عن التنمر اللي بتتعرض له البنت دا في ذاته أكبر تنمر قابلته و هتقابله في حياتها
بقول و هقول كلمة منك بتبني الطفل اللي قدامك خليك أنت الكلمة الطبيبة علموا اولادكم إن التنمر مش حاجة حلوة و إن محدش خلق نفسه دا صنع الله
البنت دي لو محدش لحقها حرفيا ها تتحول لـ قا تلة لأنها شايفة نفسها شريرة نظراتها و هي بتتكبم عن الشر قبل كشف الشامة
تأكد لك إن البنت نفسيتها تحت الصفر، البنت دي محتاجة
دعم نفسي و معنوي محتاجة تلاقي نفسها وسط ناس بجد مش مجرد عيلة متنمرة بداية من الأب و الأم و حتى الاخوات
قبل ما تربي جيل جديد اتأكد إنك مؤهل تربي أو متخلفش و أنت معرفتش تتربى فبالتالي مش هتعرف تربي
