طريقة عمل لانشون الفراخ بالزيتون علي طريقة الشيف نعمة على

الشيف نعمة على

ولادنا كلنا بتحبه واحنا بنخاف نجيبه لاننا مش ضامنين معمول من ايه

طب النهارده هنعمله مع بعض وبكل سهولة

المقادير:

نص كيلو صدور فراخ

كوب ميه متلجه

نص كوب نشا

مكعب مرقه دجاج

معلقه صغيره بابريكا

معلقه صغيره توم بودر

معلقه صغيره ملح

اربع معالق زيت يفضل زيت زيتون

وشويه من شرائح الزيتون

وقرن فلفل احمر حلو مشوي

وشويه صغيره خالص بقدونس مفروم

الطريقة:

اول حاجه هنفرم صدور الفراخ كويس جداااا عوزنها ناعمه خالص

وبعد كدا هتنزل عليها بالتوابل وفلفل المشوي بس نشيل قشرته

وكمان قطع الزيتون وشويه البقدونس المفروم ونرجع تضربه تاني كمان ضربه

ونجهز المجات اللي هنحط فيها ولازم تكون سيراميك أو صيني وندهنها بالزيت كويس

ونغطي وش المجات بورق الزبده

ونحطها في حله وننزل بالميه تكون معطيه نص المجات

ونسيبها علي نار هادئه لمده ساعه

وبعد كدا نسيبها تهدأ خالص

وندخلها التلاجه

وبعد كدا نقطعها ونقدمها

وبألف هنا