طاجن البفتيك بالبصل والفلفل الالوان
مده التحضير: ٣٠ دقيقه
مده التسويه: ٤٥ دقيقه
اسم الشيف : عبير سيد
المقادير
نصف كيلو بفتيك
بصله كبيره مقطعه جوليان
٢ حبه فلفل الوان مقطع جوليان
٢ حبه طماطم مقطعه جوليان
نصف معلقه صغيره ثوم مفروم
زيت
ملح
فلفل اسود
بهارات لحمه
ثوم بودر
بصل بودر
قرفه
جوز الطيب
الطريقه
نتبل البفتيك برشه من الملح والفلفل الاسود
نحضر طاسه واول ماتسخن ننزل بحوالى٥ معالق كبيره من الزيت بعد الزيت ما يسخن نبتدى ننزل بالبفتيك لمده دقيقه واول البفتيك ما لونه يتغير نقلبه على الجانب التانى ياخد لون لحد ما نخلص كل كميه البفتيك
فى نفس الطاسه ننزل بحوالى ٥ معالق اخرى من الزيت ونضيف البصل والفلفل الالوان والطماطم والثوم المفروم والتوابل اللى ذكرناها مع اضافه الملح ونبتدى نشوحهم مع بعض لمده ٣ دقايق على النار
نحضر طاجن وناخد نصف كميه البصل والفلفل الالوان ونفرشهم فى الطاجن بعد كده نرص البفتيك ونضيف النصف التانى من البصل والفلفل الالوان على البفتيك ونغطيه بورق فويل وندخله الفرن ساخن مسبقا فى الرف الوسطانى لمده ٤٥ دقيقه
