ايوه بغير

بقلم ابراهيم عيسى

ايوه بغير عليكي من نفسي 

ما بالك من اللي حواليكي

اوعي عليا تقسي

انتي اللي ف احلامي بناديكي 

مش طايق غيري يشوفك 

يقرب منك

 او بس يلمس كفوفك 

أنا غيرتي بقت نار 

ومفيش بيني وبينك 

يا حبيبتي اي اسرار 

كفايه انتي مني 

وبخاف نضيع مع التيار 

واللي يفكر يقرب منك 

بقي خلاص بيني وبينه ثار 

ايوه بغير 

ايوه بغير عليكي من الناس

انا عاشق ليكي وكلي احساس 

ومفيش في قلبي غيرك 

انتي يا ارق الناس 

شوفت فيكي ملاك 

وفي بعادك هلاك 

أنا كل همي اتمناك 

وروحي وعمري فداك 

ايوه بغير 

ايوه بغير ومن غير تعبير 

وحبي ليكي مش حب عادي 

ده حب مكتوب في الأساطير 

لا حبه عنتر لعبله

ولا حبه قيس اللي كان امير 

ولا روميو لحبيبته جوليت

ولا حتي شمشون الخطير 

أنا بس بحبك وبطير 

ايوه بغير 

ايوه بغير وغيرتي قتلاني

لو حد قرب منك بس 

بحس اني تعبان وبعاني

وبتبقي الدنيا ضلمه 

وكل الدنيا بيعاني 

ازاي اتحمل قرب حد منك 

وانتي دنيتي بحالها 

مقدرش استغني عنك 

انتي دنيتي بجمالها 

غيرتي غصب عني 

ناري حته مني 

وبقولك يا حبيبتي اني 

بحبك من صغر سني