![](https://rotana-news.com/wp-content/uploads/2022/04/IMG_٢٠٢٢٠٤٢٠_٠٢٢٩٥٥-240x300.jpg)
مقدمه من الشيف ابراهيم فوزي محمد غزال
المقادير
نفس مكونات الفراخ المشويه
1- بصله كبيره مبشوره.
2- فصين توم مهروسين.
3- طماطمايه متوسطه وممكن مكانها معلقه صلصه طماطم.
4- فلفل رومي وقرن فلفل حامي.
5- عصير ليمون او برتقال.
6- معلقه كبيره خل.
7- توابل: ملح – فلفل – اسود – بابريكا – روزماري – و زعتر بري
8- قطعة زنجبيل طازج.
9- كميه مناسبه من الريش الضاني.
التحضير
![](https://rotana-news.com/wp-content/uploads/2022/04/IMG_٢٠٢٢٠٤٢٠_٠٢٢٨٢١-229x300.jpg)
نشطف الريش شطفه سريعه(بدون نقع) بمياه وملح مع التاكد من ازاله اي فتافيت عضم مكسره .
بعد تصفيه الريش من المياه نفرم كل المكونات السابقه في الخلاط زي العصير او اقل شويه.
نحطها في كيس للاكل ونصب عليها الخلطه السابقه.
نسيب اللحمه أو الفراخ في الخلطه دي لمده لا تقل عن ساعه في درجه حراره المطبخ وبعدها على الشوايه
* ملاحظات هامه جدا:
الريش الضاني دهنها كتير وبيكون منفوش جدا وفيه زي فقاقيع هواء لو الدبيحه لسه مدبوحه ..نصيحه خلي الجزار يشمع الريش قبل تقطيعها …. والتشميع يعني انه يسيب اللحم في الهواء لحد ما الدهن ينشق شويخرج الهوا الي فيه ويكون عامل زي طبقه الشمع فوق اللحم
خرج اللحم او الفراخ من الفريزر قبل الطبخ بوقت كافي عشان متستخدمهاش مجمده (لان اللحوم بتفقد سوائلها بالاضافه لنضجها بطريقه غير جيده في حاله استخدامها وهي مازالت مجمده).
لو هتبيت اللحمه او الفراخ في الخلطه احذر من اضافه الملح للخلطه لانه هيمتص الميه من اللحم وهيخليه نااااشف عند الشوي عشان كده حط الملح للخلطه قبل الشوي بساعه على الاكثر.
في شوي اللحوم دايما(وليس الفراخ) متشويش اللحم جدا وبجد هتلاقي فرق كبيييييييير في طراوة اللحمه وطعمها مع العلم ان السوائل الي بتكون في اللحمه مش دم(والله العظيم مش دم) .
بعد خروج اللحم من الشوايه سيبه في طبق متغطي بفويل 5 دقائق وده فعلا بيخلي الشوي يرتاح والعصير بتاعه يركز جواه.
رشه زيت زيتون على الشوي بعد ما يطلع من الشوايه وتقديم الشوي في طبق مفروش بالبقدونس المفروم بيدي طعم وشكل احلى.
التالي
4 يوليو، 2024
(بدون عنوان)
2 يوليو، 2024
حواوشي مصري
25 يونيو، 2024
كبكابو اكلة زمنية تونسي
زر الذهاب إلى الأعلى
Don`t copy text!