مقدم من الشيف/ سما محمود
المكونات
2 كيلو لحمة مفرومة
مكونات التتبيلة
1 بصلة متوسطة مفرومة
1/2 معلقة صغيرة (فلفل اسود – بهارات لحمة)
1 معلقة صغيرة ملح
مكونات التغطية
1 كوب دقيق
2 كوب بقسماط
1/2 كوب نشا
4 حبة بيض
1 معلقة كبيرة خل
رشة ملح وفلفل
رشة كركم
الطريقة
في الكبة بنفرم البصلة ناعم جداً بعد كدا بنضيف عليها اللحمة المفرومة والبهارات ونضربهم مع بعض لحد ما يتخلطوا كويس
بعد كدا بنطلع الخليط دا في بولة كبيرة ونعجن كويس
نقسم الخليط لكرات متساوية حسب الحجم اللي تحبيه.. انا قسمته لـ 10 كرات
بعد كدا بتحطي كل كورة بين كيسين بلاستيك وتفرديهم كويس بسمك رفيع
تدخليهم الفريزر ليلة كاملة وخدي بالك بين كل طبقة والتانية كيس بلاستيك
نجهز مكونات التغطية بقى.. في طبق واسع هتحطي البيض وتخلطيه كويس مع الخل والملح والفلفل
في طبق تاني هتحطي الدقيق وطبق تالت للبقسماط عليه النشا ورشة ملح وفلفل ورشة صغيرة كركم
هنطلع البفتيك من الفريزر ونغطيه بالدقيق ثم البيض ثم البقسماط
نحط كل واحدة بفتيك بين اكياس بلاستيك تاني وندخلها الفريزر ساعتين
نخرجها على التحمير في زيت غزير
وبالف هنا وعافية
