طريقه عمل السي فود الخطير

المكونات

طبق سي فود مشكل

2 بصلة مبشورة

جزرة متقطعة مكعبات صغيرة

كرفس-ثوم مفروم -فلفل اسمر-زعتر-ورق لوري -ملح وليمون حسب التذوق

الطريقة

1-المحار يتغسل كويس جدا ويتنشل كذا مرة من المياة عشان نتاكد مفيهوش رمل ونغسل باقي السي فود بالخل والملح كويس

2-نقشر الجمبري ونشيل كيس الرمل

3-نغسل قشر وراس الجمبري كويس ويتشوح مع بصلة مفرومة وثوم وكرفس لغاية ما اللون يبقي دهبي ونضيف كوبايتين مياة وفلفل اسمر وكمون وزعتر وورقة لوري وبعد الغليان نهدي النار ونتركه يغلي ببطئ لمدة نص ساعة

بعدها نصفيه وناخد المياة دي لانها هتكون اساس الشوربة

4-نشوح البصلة التانية مع شوية جزر مكعبات وكرفس وثوم مفروم لغاية ما يبقي شفاف

5-هنضيف المياة من الخطوة 3 ونتبلها بالملح والفلفل والكمون والزعتر وبعد ما تغلي نضيف الكاليماري المتقطع حلقات

5-بعد دقيقتين نضيف السبيط وبعد دقيقتين الجمبري والكابوريا وبعدهم الفيليه المتقطع مكعبات صغيرة

لو عايزينها بالكريمة نضيف كوب كريمة طهي أو كوب لبن معاه معلقتين قشطه قبل الرفع من ع النار

وبالف هنا