حبيتك أنت

حبيتك أنت

كلمات الشاعر محمد عبد العزيز رمضان

حبيته أيوة وأنا اعمل إيه
ساعة عنيه ما جات في عنيه
سهرت ليلى أنا أفكر فيه
خلاص ياقلبي أنا هنت عليه
أنا عمري كله وقلبي شاريه
جوايا شوق وإزاى أداريه
ونهاري ليلي كمان بناديه
أول ما اشوفه أنا بفرح بيه
طب ليه بيبعد مش بلاقيه
حبيته أيوة وكنت سعيد
قربت منه لقيته بعيد
كان كل يوم يخلف مواعيد
وكلامه كله جديد في جديد
والنار بتحرق فيا تزيد
سابني ورماني لوحدي وحيد
والهجر صعب عليا شديد
غدار أناني بجد عنيد
حبيتك أنت عملت ملاك
لوغبت عني أنا بستناك
ما أقدرتش أبعد أنا بهواك
دايماً في بالي وروحي معاك
غيرت حالي أنا بتمناك
في الدنيا دي أنا مالي سواك
مش ممكن أقدر يوم أنساك
أرجع حبيبي أنا كلي فداك
حبيته بس دا باعني وخان
وعرفت إنه مالهش أمان
ناديت وقولت اشهد يا زمان
سابني ورماني في ليل أحزان
ووعدني ياما بشوق وحنان
ورسملي قصر معاه بستان
كداب وكدبه ظهر لي وبان