شيش بدبس الرمان بس حكااااية

مقدمه من الشيف : شوشو عرابى

 المقادير 

عصير بصلتين

٢ م ك زيت

٢ م ك مسطردة

م ص فلفل

م ص سكر

م ك خل

م ص ثوم بودر

١/٤ م ص قرفة

 الطريقه : 

هنتبل ٥٠٠ جرام شيش فراخ هنقلب كويس وندخلها التلاجة لمدة ٦ ساعات او يوم كامل

فى طاسة سخنة على النار هنزل بمكعب زبدة و٤ م ك زيت واصفى الشيش من التتبيلة وانزله فى الطاسة واقلبه على الجانبين لحد ماياخد لون دهبى اهدى النار وانزل ببصلة مفرومة + مكعب مرقة دجاج + ١/٢ م ص ثوم بودر + ١/٢ م ص بصل بودر + ١/٢ م ص فلفل ابيض + م ص ثوم مفروم واقلب كويس وانزل ب ٢ م ك دبس الرمان واقلب واطفى عليها

بعد كده هنجهز الرز على النار هنحط ربع كوب زيت + بصلة مفرومة + عود قرفة + ٥ قرنفل + ورق لورا + ملح ونقلب ونضيف الرز + ماء مغلى او شوربة بتبقى افضل + بهارات واسيبه يستوى وبالنسبة للون الحلو ده من البهارات

فى قالب التقديم هنحط الرز وقطع الشيش ويتقدم وبالهنا والشفا بجد طعمها فظييييع