والد حسام حبيب يوجه رساله ناريه لابنه

كتبت داليا عبد العزيز

وجه والد حسام حبيب رساله ناريه لابنه بعد تصريحات حسام حبيب عن شيرين امس مع عمرو أديب في برنامج الحكايه

ووجه والده رسالته عبر الفيس بوك وكان نص الرساله

قولوا الحق ولو علي انفسكم هوه ينفع اخالف شرع ربنا بحجه انى احمي اولادي البنات ليها الثلثين والاهل ليهم الثلث بعد عمر طويل

وده يخلي الاهل راضيين ويراعوا البنات بعد عمر طويل ودي صله رحم وغير كده يزرع العداوة بين الاهل

انت كده مش بتحافظ علي مال زوجتك انت بتخالف شرع ربنا والنتيجه انهم فضحوها وقضوا علي مستقبلها

وزرعت العداوة بينهم وحطمت زوجتك بجهلك بشرع ربنا ولو كنت بتسأل ابوك كان ارشدك للحق

والكل طلع كسبان يا قاطع صله الرحم وعاصي ابوك ضيعت نفسك وضيعت البنت معاك

هوه ينفع؟ اخوها بقاله اكتر من عشرين سنه بيراعي اخته وهيا مصدر رزقه اجي اقفل عليه الحنفيه

ويقعد اربع سنين من غير شغل وراجع تاني تقفل عليه الحنفيه هوه وامه واخته وعايزه يسيبك

يا ناوي علي قوتي ياناوي علي موتي الزوج يتعوض الام والاخ ما يتعوضوش كلمه حق لوجه الله والدين النصيحه

انت بتقول لما رجعت ليها العربيه واحد بيشتغل معاها اخد العربيه اللي بخمسه مليون وقالها هابقي اديكي بيها شغل

وواحد محاسب تعرفه قرييب شكالها حاله اعطت له 100الف دولار وخلع وانها بتكتب شيكات للناس علي بياض

انت كده بتدي مبرر لاهلها ليحجروا عليها وبتطلعها انها سفيهه وعبيطه وانا من معرفتي بها انها واعيه ونصحه بتيجي تكحلها تعميها اسأل ابوك يقولك تقول ايه

وأضاف والد حسام حبيب انت بقول انك عمرك ما اخدت منها فلوس واهلها عايشين علي قفاها وانك ما بتشتغلش اربع سنين كنت عايش علي قفا مين

وهيا قالت لي يابابا انا عايزه اتجوز راجل يصرف عليا وقلتله عايزك تشتغل وتصرف علي بيتك عشان تكبر في نظر مراتك وتحترمك

الحب وحده لا يكفي اخدت مني مليون جنيه عشان تشطب فيلتك وما تعيشش في بيت مراتك وهاردهملك

ومن ساعه ما اتطلقت وانا بصرف عليك ورايح تقول لعمرو اديب وتهاجمني لتاني مره

انك ماتعرفنيش من 14سنه اه ما بتعرفنيش الا للمصلحه وعشان تاخد فلوس وما دخلتش بيتى سبع سنين

وجيت بس تاخد فلوس وقلت ما بتشتغلش عشان شيرين ومشاكلها كانت شغلاك بقالك سنه مطلقاها ما اشتغلتش ليه بطل حجج

وخليك راجل انت فعلا مش تربيتي انت تربيه واحده ست طلعت من بيت مامي علي بيت مراتك يا اخي عرتنا