وصفة شاورما الفراخ

مقدمة من شوشو عرابي

المقادير

٥٠٠ جرام صدور فراخ

هنقطعهم شرايح رفيعة ونتبلها

( ١/٤ كوب زبادى + ١/٤ كوب زيت + م ك ثوم مفروم + م ك خل + عصير ليمونة + ٢ م ك كاتشب + ٢ م ك دبس الرمان + م ك ملح + م ص فلفل + ١/٢ م ص كسبرة + م ك بابريكا + م ص ثوم بودر + م ص بصل بودر + رشة شطة + ١/٢ م ص زنجبيل )

هنحفظ الخليط فى التلاجة لمدة ٣ ساعات

وفى طاسة سخنة هننزل بشرايح الفراخ بعد مانصفيها من التتبيلة

ونقلب لحد ماتستوى

هنجهز سلطة الشاورما

( جوانح بصل وحزمة بقدونس مفروم + ٣ م زيت + م ك سماق + ١/٢ م ص ملح )

هنجيب عيش التورتيلا

ونحط مايونيز او تومية والشاورما وسلطة وبطاطس محمرة

ونلف الساندوتش روول ونحطه فى التوستر على الجانبين

ويتقدم مع البطاطس والكولا

وبالهنا والشفا