تسمحلي أبدأ بالسلام

كتبت : ياسمين محمود

تسمحلي أبدأ بالسلام

ع قلبك الغالي الأمين

من غير ما أطول في الكلام

أنا جاية أقولك كلمتين

“أنا لعينيك”

قلبي اللي كان في القسوة أقوى من الحجر.

لان بين إيديك

روحي اللي كانت رافضة تبقى معاك

حبت تحبك، وافقت تجيلك

أنا آسفة إني عشان أحبك خدت وقت 

كنت أنت بحر وقولت أجيلك واحدة واحدة.

بصيت لقلبك غصب عن قلبي “غرقت”

أنا بنت قاسية وصعب تفهمني

صعب إن أجيلك يوم ما أحتاجك

سهل إن تجيني في يوم ما تحتاجني

تسمع كلامي عن المشاعر والقلوب

تكره تحب

تشوف عينيا وهي في معاد اللقا

ف تحب غصب

أنا بنت حلوة إن شوفتها

وبنت بايعة إن خونتها

وبنت تجرح ألف قلب

لو جيت في يوم وجرحتها

تقدر تحب وتبقى بنت حنينة

تقدر تبيعك أو تسيبك

تقدر تكون لك بنت هادية وليّنة

أقدر أخلق طول طريق

تمشي فيه علشان تدور ع اللي بينا

وأقدر أكتب ١٠٠ ديوان

أطلب إني أكون حبيبتك

وأحكي فيهم ع اللي بينا.