رسالة الى تركي آل الشيخ

كتب: احمد الادريسي

تركى ال الشيخ اللى بيتريق على خيرة رجال الفن استاذ المسرح العربى الاستاذ محمد صبحى ..

وبيقول عليه مشخصاتى ..

وانا بس عايز اقولك ياتركى انك من السهل جدا انك تدفع فلوس علشان تجيب نجوم العالم وتصورهم عندك ..

سهل جدا انك تدفع فلوس علشان تجيب محترفين اسبان وتعمل مهرجانات مبهرة ..

وسهل اوى انك تدفع فلوس علشان تجيب شركات عالمية بمهندسيها وعمالها تبنى مبانى وطرق مبهرة.. الصعب بقى ..

انك تبنى حضارة وانا عارف انك مش فاهم يعنى ايه حضارة لكن هفهمك ..

ياترى ياتركى تقدر بفلوسك تطلع مبدع واحد من بلدك ؟؟

هل تقدر بفلوسك تطلع اديب عالمى زى نجيب محفوظ من بلدك ؟؟

ياترى تقدر بفلوسك تطلع عالم عبقرى عالمي زى الدكتور مجدى يعقوب من بلدك ؟؟

هل تقدر بفلوسك تطلع رسام او نحات زى الموجودين فى مصر ياترى تقدر بفلوسك تطلع مؤلف

 موسيقى عبقرى او فيلسوف زى اللى موجودين فى مصر..؟؟ تقدر بفلوسك تطلع نجم مسرحى محترم زى الاستاذ محمد صبحى من بلدك ؟؟بلاش الفن تعالى للعلم ..

ياترى تقدر بفلوسك تطلع عالم واحد اكتشف اكتشاف واحد او نظرية علمية فى اى مجال زى العباقرة اللى موجودين فى مصر

رغم انك فاتح جامعات ومراكز بحوث فاخرة وباهظة التكاليف الا ان اللى بيشغلها اجانب.. يعنى مش من بلدك !!

تقدر تطلع اي مبدع فى اى مجال بفلوسك من بلدك ….؟؟

ماتقدرش وماتعرفش ..وعمرك بالعمر ماتقدر توصل لعباقرة مصر ..ياتركى …احنا مصر

احنا السلام ..و الهرم ..

واحنا نصر اكتوبر ٧٣

مصر صلاح الدين الايوبي

واحنا التاريخ ..واحنا العلم

احنا البناء ..واحنا الحضارة

واحنا الثقافة ..والادب ..

حتى الذئاب والافاعى ….

عاملناهم بالادب …

ياتركى ..الحضارة دى جينات وتراكمات حضارية لاتشترى ..

فهمت ياتركى ..؟؟

مصر جاءت اولا وبعدها جاء التاريخ ..ياتركى ..

واللى عنده تاريخ وحضارة وعلم..احسن بكتير من عنده فلوس .. .يارب تكون الرسالة وصلت ….