مقدم من الشيف/ هدي نور الدين
مدة التحضير 15 دقيقه
مدة الطهي 25 دقيقه
المقادير
نص كيلو مكرونه اقلام
نص كيلو لحمه مفرومه
نص كيلو بصل مكعبات صغيره
فلفل حار مفروم ناعم
فص توم مفروم
معلقه طعام زيت
ملح فلفل اسود ناعم
كزبرة ناشفه
بهارات لحمه بابريكا
ذره سكر
لصوص الطماطم
لتر عصير طماطم
كوب ماء مغلي
معلقتين طعام صلصة طماطم
معلقه طعام ثوم مفروم
معلقه طعام زيت
ملح فلفل اسود ناعم
شطه كمون ناعم
كزبرة ناشفه بابريكا
ذرة سكر
الدقه
معلقه صغيره ثوم مفروم
كزبرة ناشفه
ملح كمون
معلقه طعام خل
معلقه طعام عصير ليمون
نص كوب ماء مغلي
معلقه طعام زيت
الطريقة
وعاء علي النار اضع الزيت ثم البصل و عليه رشه ملح و اقلب ثم الثوم و الكزبرة الناشفه و الفلفل المفروم و أنزل باللحمة المفرومة
و اقلب جيدا و ذره السكر و التوابل و الملح و أتركها حتي تنضج و أرفع من علي النار
لتحضير صوص الطماطم
اضع وعاء علي النار اضع الزيت ثم الثوم المفروم حتي يصبح لون دهبي فاتح اضع كزبرة ناشفه ثم عصير الطماطم و الماء المغلي و الصلصه و ذره السكر و التوابل و أتركها تغلي غلويتين و يكون الصوص خفيف حتي يساعد على تسويه المكرونة و أرفع من علي النار و اضع معلقه من الدقه
لتحضير الدقه
وعاء علي النار اضع الزيت ثم الثوم المفروم ثم الكزبره و اقلب ثم الخل ثم الماء المغلي و اضع التوابل غلوه و أرفع من علي النار ثم اضع عصير الليمون
لتحضير الطواجن ادهنهم زيت بسيط ثم طبقه من اللحمه المفرومه المعصجة ثم المكرونه من الكيس علي طول بدون سلق
ثم صوص الطماطم و يغطي المكرونه جيدا
ثم اغلف الطواجن بالفويل جيدا و تدخل الفرن مسخن مسبقا درجه حراره 200 درجه لمده 25 دقيقه على الرف الوسط
اول ما تطلع ودي تكه مهمه بتفرق في الطعم اسقي الطواجن بمعلقه طعام واحده لكل طاجن من الدقه الجميله
ثم أترك الطواجن تهدي من الحراره و تقدم في اطباق التقديم و بالف هنا 
