وصفة جديدة ومبتكرة بجد ولا كلمة ولا غلطة🤫 حاجة كده لذيذة وسريعة ليكى ولضيوفك🥰

وصفة جديدة ومبتكرة بجد ولا كلمة ولا غلطة🤫
حاجة كده لذيذة وسريعة ليكى ولضيوفك🥰

مكونات الوصفة الاساسية ( كنافة & ملفاى & كريمة & عصير مانجو & مربى حليب & شرايح موز ) 💖💖
الكنافة⚘ربع كيلو كنافة هنخلطه بنص كوب سمن و٢ م ك سكر بودر ونفردها على صاج وندخلها فرن ٢٠٠ درجة ونقلب فيها كل شوية عشان تاخد لون واحد لمدة ١٥ دقيقة تقريبا
نطلعها ونسيبها تبرد تماما✌
الملفاى⚘هناخد شريحة ونحمصها دقيقتين فى الفرن ونطلعها نسيبها تبرد 👌
الكريمة⚘هنضرب كوب كريم شانتيه + كوب عصير مانجو مثلج + ٢ م ك سكر بودر 👩‍🍳
مربى الحليب⚘٢ م ك مربى حليب + ربع كوب حليب مثلج نضربهم سوا لحد مايبقى قوامها سائل🤗
نجمع بقى طاجن الجمال اول طبقة هنكسر الملفاى ونقطع عليه شرايح الموز وفوقهم صوص مربى الحليب ثم طبقة كريمة ثم طبقة كنافة ونزينها بشرايح الخوخ او المانجو
وتتقدم وبالهنا والشفا جربوها هتدعولى عليها 🙏