المقادير :
رأس بروكلو
بطاطا
مغرفة زيت
150غ لحم مفروم
نصف ربطة معدنوس
ثوم
راس بصل
فلفل اكحل
ملح
كركم
بيضة
فرينة
الطريقة :
راس بروكلو تغسلو و اتقصو و اتفورو فى الكسكاس او تغليه في الماء عشرة دقايق تسمط كعبة بطاطا فى الاثناء فى المقلى اتحط مغرفة زيت و 150غ لحم مفروم و نصف ربطة معدنوس مقطعة و جويدة و اتقطع عليهم سنتين ثوم و نصف راس بصل و اتفوح فلفل اكحل ملح و كركم و تخلط مع البروكلو و البطاطا و تزيدهم كعبتين عظم و تحضر الزيت و صحن الفرينة تبطنها و تقليهاو تنجم اذا ما تحبش المقلي تاخذ طبق الفور و تفرشو بpapier cuisson و بعد تحط في الفرينة و بالمغرفة تاخذ من الخليط و اتشكل فى الطبق و اتنجم اطيب فى فورمة متاع كاب كايك كان اتحب كان ما عندكش حط فى الطبق و دخلهم للفور 200درجة يطيبو عشرين دقيقة او اكثر انت و الفور و بعد قدمهم مع سلاطةً او اتنجم اطيب صوص طماطم فرشك و ترميهم فيها و اتقدمهم مع الخبز الكامل
صحة بالشفاء.
شاف عمر 🇹🇳🇹🇳🇹🇳🇹🇳👨🍳
