صنية بطاطس ب اللحمه المفرومه

مقدمه من / شف هدير مجدي👩🏼‍🍳

المقادير …

ربع كيلو لحمه مفرومه 

كيلو بطاطس شرايح

٣ طماطم كبار شرايح 

بصلايه كبيره شرايح ابيض او احمر الموجود 

ملح ..فلفل اسود …كمون.. سبع بهارات 

.معلقة كبيره معجون طماطم…قرفه ناعمه…معلقتين زيت…

طريقة التحضير ….

هنتبل اللحمه اللي عندنا ونصبعها او ندورها حسب الرغبه

هنرص ف الصنيه شرايح البصل والبطاطس والطماطم 

باختلاف يعني ننوع الشرايح ف الرص داير ميدور 

وف النص هنضيف اللحمه معانا 

هنجيب طبق في معجون الطماطم وعليه رشة من كل البهارات المذكوره معانا وعليهم الزيت وهنزود ميا ونقلبهم كويس وننزل علي الخضار اللي معانا ف الصنيه 

تستوي علي البتجاز من فوق وبعدين تدخل فرن تاخد وش 

تقدم جنب ارز حبايه وحبايه او ب الشعريه 🥗🍲

والف صحه وهنا علي قلوبكم 🌹🌹

دمتم بخير وصحه وسعاده تحياتي شف هدير مجدي🤎