بط ب الروز ماري والريحان

مقدمه من شف هدير مجدي

المقادير….

بطايه وزن من ٢ ونص كيلو ل ٣ ونص كيلو 

بصلايه مكعبات 

ورق لورا 

حبهان 

روز ماري 

ريحان

معلقتين كبار معجون طماطم 

ملح فلفل اسود…زيت …قرفه ناعمه …سبع بهارات الفاتحه 

طريقة التحضير 

طبعا نكون غسلين البطايه كويييس جداا 

هنكتف رجليها ونعملها فتحات ف الصدر 

تلت فتحات يمين وتلت فتحات شمال ب العرض 

ونديها شطفه تاني 

ومعانا ميا مغليه فيها البصلايه 

وكل انواع التوابل المذكوره ماعاده الملح يضاف قبل تمام التسويه ب ١٠ دقايق 👌🏻

بعد ماتتسلق هنرفعها من الشوربه 

ونجيب طبق هنضيف فيه 

الصلصه عليها تلت معالق كبار زيت

و معلقه كبيره روز ماري جاف او مطحون 

ومعلقه كبيره ريحان مطحون او جاف 

هنا انا مستخدمه جاف وانتو حسب ماتحبو 

وعليهم رشة فلفل اسود ورشة قرفه ناعمه ونقلبهم كويس مع بعض وبعدين نغلف بيهم البطايه كويس من كل الجوانب

هنحطها ف صنيه وندخلها الفرن تاخد وش من كل الجوانب 

وشمي الريحه وهيا ف الفرن 

وبعد ما تخلص هتعمللها حتة فحم ده لو حاله تدي ريحة فحم ليها وهيميزها جداااا 

ودي كانت طريقة البط ب الروز ماري والريحان باسهل طريقه 

وتقدري تعتمديها ف العزومات والمناسابات 

دمتم بصحه وخير وسعاده تحياتي شف هدير مجدي👩🏼‍🍳✌