غدْر الغَوالى

بقلم / خيرى ناصف

كنت فاكر نفسى غالى 

   عند أغلى الناس عليه

قال وإن أنا فوق فى العلالى

وهمَّ نجوم سما حواليه

مكنتش أعرف ان الغوالى

 مليانين غدر وأسيه 

بالأمانى ظلمت حالى

 وطلعت فى الآخر ضحيه

سَلِمت ليهم كل مالى

 وبكلامهم جرحوا فيه

ولا كانشى يُخطر يوم ببالى

  إن انا مضحوك عليه

وانا اللى طول عمرى بيحلالى 

  اعاملهم بحُسن نِيَه

آهين يا قلبى وآه ياغوالى

 من دى الأذيه

وكتير كده كل اللى يجرالى

   م الخَلْق دِيَه

وحرام عليك يا زمانى

     والنبى ترحم شويه

رجليه تِعبِت مَهِيش شايلانى

   وهانت لَك دموع عينيه

وبالأحزان سَهمك رَمانى

     والغوالى غدروا بِيَه