ريش لبانى وكفتة مشوية

كل سنة وانتم طيبين حبايبى الغاليين ⚘⚘
ريش لبانى وكفتة مشوية 💝💝

مقدمة من الشيف/ شوشو عرابي

الريش هنتبلها ( بمايه بصل + عصير طماطم + فلفل + ملح + بهارات شوى ) وندخلها التلاجة لتانى يوم 👌
هنرصها على شبكة الفرن فى الرف الوسط ونشغل الفرن من فوق وتحت على درجة حرارة ٢٢٠ ونقلبها كل شوية على الجانبين بتاخد ساعة تقريبا✌

الكفتة ( ٥٠٠ جرام لحم مفروم + ٢٠٠ جرام دهن مفروم + ٢ بصلة مفرومة + ملح + فلفل ) هنحط كل المكونات فى الكبة تتفرم فرم ناعم👍👍

وهندهن اسياخ الشيش بالزيت ونصبع عليها الكفتة ونرصها على شبكة الفرن ونشغله من فوق وتحت على درجة حرارة ٢٠٠ ونقلبها على الجانبين مش بتغيب هتاخد ٢٠ دقيقة تقريبا فى قالب التقديم هنحط الرز البسمتى وعملناه قبل كده كتييييير ونزينه بالزبيب وفوقه الريش والكفتة ويتقدم وبالهنا والشفا بجد ولا أطعم من كده🤩🥰