خَرَجَتْ ولم تَعُد

( خَرَجَتْ ولم تَعُد )

كلمات / حاتم محمد الغيطاني

أنا نفسي أغمض وأحلم
وألاقيك يا أمي في بيتي
و نعيش ذكرى حلوة فاتت
يا أحن من شافت عيني
وأفتح باب البيت و أنادي
وأقول يا أماه أنا جيت وألاقي
نظرة عنين لماحة
بتحس بقلب حبيب
وتحول تعبها لراحة
و تخلي أملها قريب

أنا فاكر يا أمي رحيلك
وفراقك وشهقت ويل
ونبضك يا أمي في إيدي
و وداعك في نص الليل

أنا مؤمن بقدر الله
وحياتي معية معاه
وأمانة تُرد لربي
والرد أقول رحماه

وأرفع إيدي لربي وأناجي
وأدعيلك ياماه بدعواتي
يجعل رعايتك لينا
و تعبك سنين بحنين
ضحيتي كتير وشقيتي
وبركة دعاك ماشين

يغفر ذنبك ربي رحيم
تدخلي جنة رب كريم
و ارحم قلبي أنت عليم
صبر حالي جرحي أليم