فاطمة أحمد
المقادير :
١/٢ ك بانيه متقطع شرائح
٣ حبيات فلفل احمر واصفر واخضر متقطع شرائح
و١ عدد بصله متوسطه متقطعه شرائح
نص معلقه صغيرة فلفل اسود
معلقه صغيرة ملح
معلقه صغيرة بهارات فراخ او شاورما
نص معلقه صغيرة بابريكا
معلقه خل + معلقه عصير لمون
معلقه زيت
نص معلقه توم بودر + بصل بودر
ربع كوب ماء بصل
علبه زبادي
ربع معلق صغيرة قرفه وحسب الراغبه
معلقه توم مفروم وممكن الاستغناء عنه
الطريقه /
نحضر بوله كبيرة ونضع فيها ماء البصل وعصير الليمون والزيت والزبادي والتوم وجميع التوابل ونقلبهم جيدا بمضرب يدوي ثم نضع عليهم البانيه المتقطع ونقلب كله مع بعض ونضعهم في التلاجه لمده ساعتين ثم نحضر طاسه كبيرة ونضع فيها ٢ معلق زيت ذرة وبعد ما يسخن الزيت نضع فيه البصل ونقلب شويه لمده ٢ دقيقه ثم نضع الفلفل الألوان والاخضر ونقلبهم كله مع بعض لمده ٢ دقيقه يادوبك ياخدوا لامعه ونشيلهم من الطاسه ونضعهم في طبق علي جمب وفي نفس الطاسه مكان الفلفل والبصل نضع الشاورما ونقلبها شويه حتي تستوي لمده ١٠ دقايق او اقل وبعد ما تستوي نضع فيها خليط الفلفل والبصل ونقلبهم مع بعض لمده دقيقه ثم نطفي عليهم النار
وممكن يقدم في سندوتشات كيزر او فينو ومعاهم بطاطس محمرة وبالهنا والشفا 
