عبدالرحمن الجن يكتب بطريقة قانونية ازاي تستبدل الملابس أوترجعها
تحقيق / عبدالرحمن الجن
سحرحامد عجاج مدير إدارة الإرشاد الاستهلاكي وحماية المستهلك بتموين سوهاج
اشتريت لبس العيد من غير فاتورة وعايز تستبدل أو تسترجع بلغنا واحنا حنساعدك تاخد حقك بس لو ثبت إن ليك حق فعلاً
بمناسبة اقتراب الأعياد كل عام وحضراتكم بألف خير ،،واقبال الناس يوميا على شراء لبس العيد.
بتوصلنا يوميا شكاوي خاصة بالاستبدال والاسترجاع وطبعا أول سؤال بنسأله لحضرتك،
معاك فاتورة شراء ولا لأ
لأن الفاتورة هي وسيلة إثبات التاريخ واللي هو العنصر الأساسي في الاستبدال والاسترجاع علشان نتأكد إن حضرتك في المدة القانونية وهي ١٤ يوم من تاريخ الشراء المدون في الفاتورة.
ومش بس كده كمان الفاتورة بتثبت انك اشتريت من المحل اللي خذت منه الفاتورة وبتثبت السعر
طيب لو حضرتك اشتريت من محل مش بيسلم المستهلك فاتورة
حتعمل ايه
طبعا لو اتكلمنا قانوني وبشكل روتيني حقولك ملكش حق تشتكي
لكن لأننا بنعامل ربنا وعايزين نخدمك ونساعدك ومش عايزين نضيع حقك
لاننا عارفين طبعا ومش حنقدر ننكر إن معظم محلات الملابس وخاصتا في القري والمراكز مش بتكون مرخصة ومش بتسلم المستهلك فاتورة شراء
علشان كده إحنا حنحاول نساعدك ونتعامل مع الواقع ونغير من الثقافة الروتينية للمصالح الحكومية وهدفنا هو مساعدة المستهلك بالفعل ومعايشة الواقع والتعامل معاه
من غير تعقيدات روتينية وبتطبيق روح القانون
لكن في نفس الوقت لازم يكون فيه وسائل إثبات تساعدنا إننا نتأكد ونثبت التاريخ علشان نتأكد إنك في المدة القانونية للاستبدال والاسترجاع طبقا لقانون حماية المستهلك.
وكمان لازم يكون اللبس بحالته الأصلية اللي حضرتك اشتريته عليها يعني ميكنش تم استعماله ويكون بالتكت بتاعه ومفيش أي حاجة اتغيرت فيه
