قضيها.. يا معلم

كلمات / حاتم الغيطاني. مصر المحروسة. 

   * يا عم ياللي هناك *

   * تعالى ما تخافشي *

   * هو أنت ليه كاشش *

   * افردها ما تخافشي *

خايف من الأيام

لتضيع الأحلام

الأحلى ما تخافشي 

الرزق قل و ضاق

طب هو غيرك راق

فاكر … دماغه فاق

لأ.. هو عنده هموم

يوم حلو… ويوم مغموم

والدنيا هنا وهناك 

السعي عَلْ المخلوق

والرزق عَلْ الخلاق

خليك حكيم سواق

اعقلها وتوكل

ربك كريم حنّان

اطلبها من المَنّان

في رزق متعجل

  ورزق متأجل

   * يا عم ياللي هناك *

   * تعالى ما تخافشي *

   * هو أنت لي كاشش *

   * افردها ما تخافشي *

اللحمة.. إيه.. بتزيد؟

استغْنَ.. عِش زَهِّيد

قضيها جبنة وفول

والعيش رخيص موفور

والعدس كله حديد

والفجل و الجرير

عودين سريس جوعضيض

إيه.. هتخس مش هتزيد؟ 

أجدادنا عاشوا زمان

زهاد ومستغنين

ورسولنا صلوا عليه 

إيه.. كان كل يوم في نعيم؟ 

ولا أنت بس حكيم

 في السَّعَة تتكلم

 و الضِّيقَة تتألم

ما تصلي وتسلم

قضيها يامعلم.