… كلمات / عماد الألفي
يا روايح رمـضـان هِـلـِّي كمان وكمان
هِـلِّي بخير وأمان خَـلِّي الكون فرحان
يا روايح رمضان
هِلي كمان وكمان
بهجة وأفراح وزينة وَيَّـة صوت الغـنـاوي
مهما قولنا وحكيـنـا مش هتكفي الحكاوي
وحبال النور صوابع مزوقة الجوامع
وقـمـر للفـجـر طالع منـور الشـوارع
في انتـظار رمضـان وفـرحة رمضان
يا روايح رمضان
هِلي كمان و كمان
يا شـارع الأصــالـة لينا من أيام جدودنا
وياك ذكرى استحالة ننساها مهما عـشنا
يا سـوق العـطـارين يامـفـروش بالحنين
كـنـافـة على الصفين وياميش وقـمر الدين
في انتظار رمضان وفرحة رمضان
ياروايح رمضان
هِلي كمان وكمان
يا مَحْـلىَ الاحتفال بـرؤيـــة الـهـــلال
واحنا في انتـظـار إعلان مُفتِي الديار
والـكــل فــرحــان وبـيـدعي الرحمن
يـِبَـلـَّغْـنـا رمـضـان وفـرحـة رمضـان
ياروايح رمضان
هِلي كمان وكمان
التالي
منذ أسبوعين
تأثير السوشيال ميديا على المجتمعات
Don`t copy text!
