القشطوطة

شيف / شوشو عرابي 

الطريقة والمكونات 

اول حاجة هنعمل الرز بلبن الملوكى

هنغسل نص كوب رز ونسلقه فى ماء مغلى لمدة ٣٠ دقيقة

بعد كده هصفيه واضيفله لتر حليب + ١/٢ كوب سكر + ٢ م ك كريم شانتيه + ٢ م ك حليب بودر

واقلب على نار هادية وقبل مااطفى

هضيف فانيلا ونص كوب حليب مدوبين فيه ٣ م ك نشا

واقلب كويس وغلوة واطفى عليه

هصبه فى القوالب واسيبه يبرد وادخله التلاجة ساعة 

نعمل بقى الاسبونج كيك فى العجان

هنضرب ( ٥٠٠ جرام دقيق اسبونج فانيلا + ٥ بيضات + فانيلا + ١/٢ كوب ماء + م ص محسن جيل + م ك خل ) لمدة ٥ دقايق

وهنصب الخليط فى صاج مقاس ٣٠ × ٤٠ على ورق زبدة ويدخل فرن ١٨٠ درجة لمدة ١٥ دقيقة 

تطلع نسيبها تبرد خالص ونسقيها بخليط ( كوب ماء ساقع + علبة قشطة + ٣ م ك حليب بودر + ٢ م ك سكر ) مضروبين

نجهز بقى طبقة الكريمة هنضرب ( ٢٥٠ جرام كريمة لبانى بودر + ٢ كوب حليب + ٣ م ك سكر بودر ) لحد ما القوام يتماسك

بعد ماسقينا الكيك هنحط طبقة محترمة من الكريمة ونفردها كويس ونساويها ونقطع الكيك لقطع مربعة بالحجم اللى نفضله 

هنضيف للرز بلبن قطعة الكيك الفظيييعة دى

ونضيف التوبينج مانجو & لوتس & مكسرات & نوتيلا & كراميل & كريز & فراولة &

وتتقدم وبالهنا والشفا