مقدمه من الشيف شوشو عرابي
المقادير
اولا هنعمل الفادج كيك لقاعدة الموس هنضرب
٣ بيضات + فانيلا + كوب سكر واضيف كوب دقيق + نص كوب كاكاو منخولين + م ص بيكنج بودر + ربع م ص بيكنج صودا + رشة ملح واضرب
هحط نص كوب زيت + نص كوب مايه وتمن كمان على بعض فى طاسة واسخنهم جدا لحد مايغلوا واضيفهم لخليط الفادج
هنصب الخليط فى قالب مقاس ٢٤ على ورقة زبدة وتدخل فرن ١٨٠ لمدة ٤٥ دقيقة
ثانيا هنجهز الموس هندوب ٥٠٠ جرام شيكولاتة فى ٢٥٠ مل حليب ساخن ونسيبهم يبردوا وندوب ٢٥ جرام جيلاتين فى ٧٥ مل ماء
هنضرب كوب ونص كريم شانتيه + كوب وربع حليب ساقع ونضيفلها خليط الشيكولاتة ونقلب ونضيف الجيلاتين ونقلب
الطريقه
هنجهز صنية تشيز كيك ونحط طبقة فادج ونسقيها بخليط ( ماء + ٢ م ك نوتيلا او جناش ) وفوقها طبقة سبريد كرانشى د بيكر او ( بسكويت لمبادا او اولكر هنضربه فى الكبة مع معلقتين جناش ) + قطع بندق محمص ونصب عليها نص كمية الموس وفوقه طبقة فادج مقاس اصغر من حجم الصنية وفوقه باقى كمية الموس وتدخل التلاجة لتانى يوم او الفريزر لمدة ٣ ساعات
اخيرا هنخلط قطع البندق بالنوتيلا ونصبها على الموس ونزينه بقطع الروشيه والبندق ⚘⚘
وتتقدم وبالهنا والشفا نسخة من موس الكافيهات
