كتبت :مريم عوض
تصدرت الفنانة إلهام عبد البديع محركات بحث جوجل نظرا لتصريحاتها الآخيرة في برنامج نص الكلام، والتي تقدمه الإعلامية راغدة شلهوب، وكشفت إلهام عبد البديع عن أعمالها وحياتها الشخصية،وغيرها من الأمور.
وتابعت :قولت لمحمد رمضان أحب إني أشتغل معاك بس السنة دي هشتغل مع عادل إمام.
وأشارت: نص الشعب المصري حبني في طاقة القدر.. والنص التاني في الزيبق، إلهام شاهين وليلى علوي تاريخ.. والأقرب لشخصيتي ليلى علوي.
وأضافت :تركت عملي كمساعدة مخرج علشان أكون ممثلة، معنديش أصول شامية أنا شبراوية جدًا.
وتابعت :كنت بحاول موقفش في التمثيل.. المرض هو اللي وقفني شوية، بعمل أغاني أطلع فيها طاقتي علشان محسش إني بعيد عن الكاميرا.. ومطربة مصر الأولى هي الفنانة أنغام.
وأكدت :الإغراء نوعين ببصة بحركة وحاجات بسيطة.. بس أنا مبعملش الحاجات دي، أتعرض عليا بطولة فيلم مع مخرج كبير جدًا وموافقتش بسبب مشهد في السرير.. وأفلام الإغراء مبقتش بتتعمل في مصر زي زمان.
وأوضحت :وحشتني السينما.. وكل الأدوار اللي بتجيلي في أقوى في الدرامي، وكلمت الفنان تامر حسني يوم فرحي وكان جي بس الوقت أتأخر.. وحمادة هلال فاجأني رغم سفره إلى لبنان، و أكتر حاجة بتضايقني من وليد زوجي إنه بيتكلم وفيه ناس.. وده مينفعش لإني ممثلة.
وأردفت :وليد مكنش فاهمني في الأول.. ولكن هو كان متمسك بيا وحاول كتير علشاني، أنا أكبر من زوجي بـ 8 سنين.. ومعظم أهلي كانوا معترضين على الزواج، وعشت قمة النجاح في العشرينات من عمري.. ودلوقتي مينفعش أظهر في دور الابنة بسبب سني.
وواصلت :جدتي كانت كل حياتي.. وعقلي مكنش مستوعب إن في يوم من الأيام هتموت، وجالي اكتئاب بعد وفاة جدتي وحاولت الانتحار، جالي اكتئاب بعد مسلسل ولاد تسعة علشان تعمقت في الشخصية.
وأختتمت: جاتلي نوبة اكتئاب تاني بس أقوى.. وحصلي شبه شلل بسيط، والحمد لله الدكتور أنقذني، أتمنى الغناء مع تامر حسني.. وكنت مختلفة مع كريم عبد العزيز في الزيبق.
