قرص الافران بالسمسم والسكر علي طريقة الشيف نعمة علي

الشيف نعمة علي

وداعاً لوقفة الافران وشرا القرص تاني

المقادير :

كيلو دقيق

كوب ونص ميه دافيه

كوب الا ربع زيت

معلقه كبيره خميره فوريه

علقه كبيره بيكنج بودر

معلقه خل

معلقتين سكر

علبه زبادي

رشه ملح

نعجنهم كويس جدا ونسيبها تخمر في مكان دافئ

الحشوة :

نص كوب سكر ونص كوب دقيق ومعلقه قرفه

واختياري نص كوب زبيب ونص كوب سوداني ونص جوز هند

وبعد هنبدا نقطع العجينه اول بأول حجم القطعه بحجم اللمونه الكبيره

ونحشيها ونكون مجهزين نص كوب ميه

عليه معلقتين عسل اسود او معلقتين سكر

ونبدأ نقفل الكور المحشيه كويس ونزلها في الميه

وبعد كدا في السمسم ونفردها

بس لازم يكون سمكها أقل حاجه اتنين سم علشان تطلع منتفخه

ونسيبها تاني مره ترتاح أقل حاجه ساعه

وتدخلها الفرن علي الرف اللي في النص

علي درجه حراره متوسطه

وبألف هنا