ياقلوب بتحب

كلمات محمود صلاح

قبل مانقول بحبك
أعرفوا معنى الحب إيه
قبل اللسان ما ينطق
لازم قلبك يصدق
ويعيش كل إللي فيه
الحب مش كلمة
نقولها بسهولة
الحب مش نغمة
ولاحروف مكتوبة

الحب عهد وسعد
بختم الوفا مختومة
ياقلوب بتحب
الحب أخد وعطا
شوق وحنان ودفا
مش كلمة بتتقال
في ساعات الفضا

ياقلوب حبوا بجد
مش يوم ساعة رضا
وكتير كتير صد
والملامة جاية ورايحة
وعتاب قاسي وجارحة
والورود دبلانة وحزينة
ماعادت روايح فايحة
ياقلوب بتحب