قرص الافران المحشية مكسرات وقرفة علي طريقة الشيف نعمة علي

الشيف نعمة علي

المقادير :

اربع كوبيات ونص دقيق

وكوب ونص سمنه علي زيت

ونص كوب سكر ناعم

ورشه ملح

واختياري لو تحبي تضيفي معلقتين كبار لبن بودره

طريقة العجين :

اول حاجه هنبث الدقيق مع السمنه كويس جدا

وبعد كدا ههنزل عليهم بكوبايه لبن دافئ

عليها معلقه خميره فوريه ومعلقه سكر ومعلقه فانليا

ويدوب نلم العجين بصوبعنا من غير عجن مش عوزين يكون ليها عرق

ولو احتاجت ممكن ننزل بمعلقه أو معلقتين لبن او ميه

نسيبها ترتاح ربع ساعه وبعد كدا نحضر الحشو

الحشوة :

وهو عبارة عن نص كوب جوز هند

ونص كوب سوداني مجروش

ونص كوب زبيب

ومعلقتين سكر ومعلقه صغيره قرفه حسب الرغبه

الطريقة :

هنبدا نقطع العجين قطع متساويه

وصغيره ونبدأ نعمل فيها فجوه ونحشيها

وندهن وشها باللبن ونرش عليه سمسم

وندخلها الفرن ع الرف الاوسط علي درجه حراره أقل من المتوسطه

والنار تكون شغاله من تحت بس

وبعد كدا نعكس ننزلها تحت ونشغل الشوايه

ونزلع من فوق بس هتقعد معانا حوالي ٣٥ دقيقه

وبألف هنا