لازم تنسي اللي نسيوك

كتب إبراهيم عيسى

لازم تنسي اللي نسيوك 

وتخرج من حياتهم 

لو كانو يوم حبوك 

مكنتش بعدت عنهم 

هما اللي لواحدك سابوك 

تايه في دنيتهم 

حبيتهم بكل بضمير 

وتعبت من فرقتهم 

لو كانو يوم قدروك 

كانو حافظو علي محبتهم 

ما هما اللي باعوك 

مع انك انت اشتريتهم 

خسرت كل اللي حواليك 

علشان تكسب مودتهم 

وفي الاخر هما سابوك 

ولا نزلت يوم دمعتهم 

لازم تنسي اللي نسيوك

ما انت خلاص بقيت ماضي 

وحبك أصبح وهم 

وأصبح كلام فاضي 

اخرج من حياتهم باحترام 

وعيش لواحدك علي الماضي 

اوعي في يوم تبكي 

عليهم لازم تكون راضي 

هما الي خسروك وحبك 

في يوم هيكون قاضي 

هيحكم عليهم بحكم 

نافذ ايوه حكم ماضي 

لازم تنسي اللي نسيوك

ولواحدك في دنيتك سابوك 

كنت مفكر أنهم معاك 

لكن هما اللي باعوك 

كنت دائما بتراضيهم 

وعمرهم ما في يوم راضوك 

اوعي تفكر فيهم وافتكر 

ان هم الي ضيعوك 

اخلاصك ليهم مش عيب 

هما الي مقدروش يقدروك