بقلم: محمد عبد العزيز رمضان
-إنساني وانسى اللي بينّا
إنساني وانسى اللي فات
إبعد وإوعاك تفكّر
ترجع تعيد اللي مات
=وقدرتي ليه تجرحينا
وقتلنا مر السكات
من روحنا بتغرّقينا
بتعيّشينا في آهات
مش لاقي حد يداوينا
والعمر عدّى ف ساعات
يا قصة أوّلها ضحكة
وآخرها ضاعت حاجات
صبحت وشوشنا حزينة
والفرح بقى ذكريات
-إنساني وانسى اللي بينّا
إنساني وابعد بعيد
أنا مش هصدّق دموعك
مهما تقول أو تعيد
خاين وخنت اللي بينّا
غدار وقاسي وعنيد
فكّرت إنك حياتي
إنك حبيبي الوحيد
=تايه ومش لاقي مينا
والبحر موجه شديد
يا عيون بريئة وحزينة
غرقانة مش لاقية إيد
والدنيا قاسية علينا
والنار بتحرق تقيد
-إنساني وانسى اللي بينّا
إنسى جميع اللي كان
الحب اللي مابينّا
في القلب مالوش مكان
فاكر عهود المحبة
عهد الحنين والحنان
ضيّعته وبكلمة واحدة
والحب اهو ضاع وهان
وخلاص عرفت انه خاين
بياع ومالوش أمان
وخلاص بقوله نسيتك
عدّى وفات الأوان
وقدرت إني أسيبك
وكرهت نفسي زمان
مش هبكي انا مرة تانية
على اللي باعني وخان
