قصيدة حزن القلوب

كتبت / نهي حسن

ماتزعلشي أكيد هاتروق

كفاية دموع وحُزن وغُلب

ولو قلبك كئيب مخنوق

طبيعي دا إسمُه أصلاً قلب

بيتقلّب شعور في شعور

فرح أوقات وأوقات كَرب

ساعات مليان آهات وهموم

ساعات مليان أغاني وحُب

ومين في الدنيا يستاهل

وجع قلبك ياعم معاه؟

سعادتك مش في إيد الناس

سعادتك شيء بأمر الله

جميع الدنيا دي زايلة

وخُدها نصيحة ليك هايلة

مفيش إنسان في يوم تضمن

تلاقي فرحتك ويّـاه.