أجمل صبية

   بقلم علي بدر سليمان

حلوة هالسمرة مسرورة وهنية

مابعرف يما شو عملت فيي

عندما شفتا حسيت بجسمي 

كأنو كهربا وضربت فيي

جدايل شعرا وكأنهم رسمة

وغمزات خدودا تجنن يابيي

أجمل صبية وسط الزحمة

حبيبة قلبي وعيوني هيي

والمسا عندما هبت النسمة

انطفت الشموع وطلت عليي

حليت الأوقات وكبرت البسمة

وحلت أكتر لما مسكت بديي

ورحنا نرقص بفرح وسرور

وتمايلت عالهدا الأزهار الندية

وان طال الليل تضوي العتمة

رح تبقي حياتي عمري وليي