قصيدة لعيونك شو مابدها

بقلم علي بدر سليمان

عم تلعب بشعراتا

وتلوح بدياتا

ولمن قلتلها بحبك

عخدودا انرسمت بسماتا

قلتلها دخلك شو اسمك

غمزتني ضحكوا رفقاتا

قلتلها دخلك قوليلي

ضحكت مااحلى ضحكاتا

قلتلها عيونك ألماس

وشفافك خمرات الكأس

والضحكة هيي الأساس

وكلماتي الحلوة تشدها

قالتلي روح هلق روح

وانساني قلبي مجروح

بيكفي تلاحقني وتسوح

وصارت تلطم عخدها

قالتلي بكرى بناديلك

عن قلبي التايه بحكيلك

إن كان حب شوي تفاصيلك

ساعتها حبك هدا

قلتلها دخلك حبيني

وعدربك بالله تدليني

والجرح بصدري داويني

ولعيونك شو مابدها