كريم كراميل بالفواكهه علي طريقة الشيف نعمة علي

الشيف نعمة علي

عوزه تعملي حاجه حلوه تبهري بيها ضيوفك وانتي لسه أ، ب مطبخ

يبقي وصفه النهارده دي ليكي انتي لانها وصفه سهله وسريعه كدا

وكمان طعمها خطير

المقادير :

معانا اي نوع فاكهه انتي تحبيها او بتفضليها وتكون انواع مختلفه

هنقطعها شرايح صغيره

وكمان معانا كيلو من اللبن

وكوبايه من السكر

والسكر حسب الرغبه

وكمان ٣باكت من الكريم كراميل

وهي دي كل مقاديرنا النهارده

الطريقة :

هنخلط ونقلب اللبن والسكر والكريم كراميل الاول كويس ع البارد

وبعد كدا نرفعه علي اول مع التقليب المستمر واول ما يغلي نطفي عليه

ونسيبه لحد ما يبرد شويه علشان نضمن ان الفاكهه بتعتنا تفضل محافظه علي قوامها

ونبدا ننزل بالفاكهه في اطباق التقديم

وعليها قطع من البسكوت الساده

وننزل عليهم بالكريم كراميل و

علي التلاجه اقل حاجه ثلاث ساعات

وعند التقديم هننزل بصوص الكريم الجاهز

وبألف هنا