كنافه بالمكسرات علي طريقة الشيف نعمة علي

مقدم من شيف نعمة علي

كنافه بالمكسرات هنافس بيها اكبر المحلات

ب٤٠ جنيه بس هنعمل احلا صنيه كنافه بالمكسرات

هنافس بيها اكبر المحلات من حيث الطعم والسعر

اول حاجه كدا معانا

المكونات :

نص كيلو كنافه ب١٠ جنيه،

وب١٠ جنيه سوداني،

ب١٥ مكسرات،

و٢كوب سكر ياسكر نقول هيكون بخمسه جنيه

الطريقة :

هنقول بسم الله ماشاء الله الرحمن ونبدا بالكنافه بتعتنا

وناخد منها خصل ونلفها كويس علشان متفكش ونعملها علي شكل مربعات

ونكون دهنين الصنيه كويس بالسمنه ومابين المربعات اللي عملنها

نبدا ننزل بالسوداني المجروش والمكسرات بالشكل اللي في الصوره

وباقي الكنافه هنفرومه ناعم جداااا وننزل بيه علي مربعات الكنافه بتعتنا

ونضغط عليها كويس جدا علشان تتماسك

وننزل عليها بحوالي نص كوب سمنه

وندخلها علي الفرن علي نار متوسطه واقل من متوسطه لحد ما تاخد اللون الدهبي

واول ما تطلع من الفرن نسقيها الشربات يكون تقيل وبارد

وتقطع وتقدم

وبألف هنا