فاكرين زمان ..

فاكرين زمان ..

فاكرين زمان عندما كان الأنسان أنسان ..

عايش حياته فاتح أبوابه بحب وأمان ..

فاكرين زمان عندما كان شباكي علي شباكك مفتوح ..

وأهلك هما أهلي و سرك هو سري ممنوع البوح ..

النظرة بأدب والكلمة دهب تداوي الجروح ..

فاكر عندما كنت تقابل جارتك فى الشارع

ترجع خطوتين للخلف وتسلم ووشك للحيط ..

فاكر عندما كنت تكلم جارك بشويش ..

بينكم مودة و مشاركة وملح وعيش ..

طيب فاكرين.. عندما كنا بنخاف علي بعض كتير ..

بوجه بشوش من غير خوف يسلم الرايح علي الجاي ..

طيب فاكرين لما يكون فيه اختلاف بين اثنين ..

بيكون الحوار مهذب بلسان رصين ..

ولا لفظ خارج ولا سب الدين ..

ولا ضرب نار ولا سكين ..

طيب فاكر ازاي كنا بنحترم الكبير ..

كان كلامه دستور لايقبل التغيير ..

كلامه حكم كله احترام وتقدير ..

يحل اي مشكلة بدون تقصير ..