![](https://rotana-news.com/wp-content/uploads/2022/09/FB_IMG_1662029877078-300x200.jpg)
مقدمه م الشيف حنان فاروق
انسى الكفتة تفك منك او تكش و ريحتها وطعمها بيروح لاخر الشارع 😅🤗
الطريقة✍️
مع حنون وبس
احلى كفته ممكن تاكلوها متماسكة وطرية جدا وجوسى ومفرغه من جوا بس لازم كام حاجه نخلى بالنا منهم .
اولا ↩️كيلو لحم بقري مفرومه طازجه و ممكن ميكس بين البقري والضانى وتكون نسبة الدسم . فيه ٢٥‰ تكون من دوش او ليه وتكون مفرومة وشين .
بصلتين مفرومين ناعم🌸
معلقةملح ونصف معلقة فلفل اسود ودا اساس الكفته وممكن
اضافه نصف معلقة بهار لحمه حسب الرغبه
معلقتين كبار ورق بقدونس مفروم ناعم
معلقتين كبار نشا بيفرق جدا فى التماسك ويخليها تحتفظ بحجمها
وبياض بيضة واحده ومعلقة صغيرة بيكنج بودر بتخلى الكفته مفرغه . وهشه وكمان متكشش.
باخد جزء من مايه البصل للتصبيع واسيب الباقى بدون تصفيه واضيف كل الاضافات علىى اللحمه . واعجنها كويس جدا لحد الانسجه تفتل وتعمل خيوط وتتجانس وافرمها . مع كل الاضافات فالكبه الخطوة دي مهمه جدا جدا .
واسيبها ترتاح ساعه فالتلاجه او ممكن تعمليها قبلها بيوم هتلاقيها سهله ومتماسكه جدا . وانتى بصبعيها وكمان متماسكه على السيخ وعمرها م تقع او تفك .
شوية مايه البصل بضيف عليهم معلقة معجون طماطم وملح وفلفل ومعلقة زيت واصبع على سيخ معدن . او خشب وابل ايدي وامسح بيها الصباع بعد م اصبعه ودا بيديها اللون . الجميل دا وبشويها على الفحم .
ممكن تتشوي فالفرن على اعلى درجه حرارة حطوها على شبكه تحتها صنية فيها شوية مايه . ولما تستوي تولعو فحمه لو عايزين ريحه الفحم اول م تستوي طلعوها . على طول عشان متنشفش.
بقدم معاه عيش وسلطة خضرا وطحينة
او الرز البسمتى وسلطة الدقوس على طريقة المطاعم 😍
التالي
4 يوليو، 2024
(بدون عنوان)
2 يوليو، 2024
حواوشي مصري
25 يونيو، 2024
كبكابو اكلة زمنية تونسي
زر الذهاب إلى الأعلى
Don`t copy text!