الفتة المصري
مقدمة من الشيف هدي نور الدين
مدة التحضير 20 دقيقه
مدة الطهي 60 دقيقه
المقادير
كيلو لحمة مكعبات مسلوقة و متحمرة
عيش بلدي
٣ ارغفة عيش بلدي مكعبات
ملعقه طعام زبدة
ملعقه طعام زيت
ملح
فلفل اسود ناعم
توم بودرة
الأرز المصري
نصف كيلو أرز مصري مغسول و متصفي
نصف لتر شوربة مغليه
معلقه طعام سمنه بلدي
معلقتين طعام زيت
ملح
فلفل اسود ناعم
معلقه صغيره خل
للصوص الاحمر
لتر عصير طماطم متسبكه
معلقه طعام صلصة
كوب شوربة
معلقه طعام ثوم مفروم
معلقه طعام لية مفرومه
معلقه طعام زيت
ربع فنجان خل
ربع معلقه صغيره سكر
ملح
فلفل اسود ناعم
كزبره جافة ناعمه
الدقه الشوربة البيضاء
معلقه طعام ثوم مفروم
معلقه طعام لية مفرومه
معلقه طعام زيت
ربع فنجان خل
نصف لتر شوربة
ملح فلفل اسود ناعم
كزبره جافة ناعمه
شطة
الطريقه
لعمل الأرز
اناء علي النار تضاف السمنة و الزيت تسخن ثم انزل بالارز و يقلب جيدا ثم انزل بالشوربه المغليه و معلقه صغيره خل حتي تحافظ على بياض الأرز و ملح و فلفل اسود حتي يتشرب ثم اهدي النار حتي تمام النضج
لعمل الصوص الاحمر
اناء علي النار تضاف الليه تدوب و الزيت ثم الثوم المفروم و الكزبرة الجافة ثم الخل و عصير الطماطم و الصلصه و الشوربه غلوتين ثم باقي المكونات و أرفع من علي النار
الدقه الشوربه البيضاء
اناء علي النار تضاف الليه المفرومة و الزيت تدوب ثم الثوم المفروم و اقلب ثم الكزبرة الجافة حتي يصبح لون ذهبي ثم الخل و الشوربه و التوابل غلوة و أرفع من علي النار
لتحميص العيش في الفرن
يقطع العيش مكعبات و يدهن بزبدة و زيت و ملح و فلفل اسود ناعم و توم بودره و يضاف في صينيه فرن و يدخل الفرن درجه حراره هادئه حتى يتحمص و يقلب من وقت لآخر
لتحضير طبق الفتة
يضاف العيش المحمص و عليه ملعقتان طعام من الدقه الشوربه و معلقه طعام من الصوص الاحمر و يتم التقليب جيدا بدون أن يطري
ثم يضاف الأرز و عليه ملعقتان طعام من الدقه الشوربه البيضاء و الصوص الاحمر
ثم اللحمة المسلوقة و المتحمرة علي الوجة و تقدم بالف هنا
