– 2 بصل مبشور ومصفي جيدا من المياه ( مترميش المياه)
– ½ معلقة صغيرة بيكنج بودر
– ملح
– فلفل أسود
– جوزة الطيب
_3فص توم مفروم
_معلقه السبع بهارات
طريقة التحضير :-
تقطعي اللحم مكعبات مع البوش
ونفرمها ع الوش الواسع في المفرمة
ونضيف عليها طفل البصل المصفي من المياه جيدا والملح والفلفل الأسود و جوزة الطيب والبيكنج بودر وقلبها حلو اوي لحد ماكل المكونات تتجانس مع بعضها كويس
بعد كدة نفرمها مرة كمان في المفرمة ع الوش الاضيق من الوش الاولاني ولو مفيش يبقي نفرمها ع نفس الوش تاني
بعد ما نخلص الوش التاني نعجنها ( ندعكها ) اكنها حتة عجينة نفضل نعجن فيها لحد ماهتلاقيها عملت معاكي عرق يعني تحسي بقت مفتلة اول ماتوصلي للنتيجة دي يبقى احنا نجحنا ندخلها الثلاجة ساعه عشان تتشمع
وممكن نعملها من بليل ونسبها فى الثلاجه
علشان متفكش ع النار
بعدها نجهز الأسياخ ونشعل الفحم ونطلع الكفتة لتشكيلها او نشكها ع الاسياخ او ممكن صنيه فى الفرن
واحنا بنشكها فاكرة مياه البصل نبشر عليها حبة واحدة طماطم ونضيف شوية ملح وفلفل أسود ونبل ايدينا بيها عشان الكفتة متبقاش ماسكة في أيدي