كاسات تشيز كيك بالفراوله
مده التحضير : 30 دقيقه
اسم الشيف : عبير سيد
المقادير
٢٠٠ جرام بسكوت ساده
٤ معالق كبيره ذبده سايحه
١٠٠ جرام كريم شانيه خام
٢ معلقه كبيره سكر بودره
٨ قطع جبنه مثلثات او مربعات
كوب ماء ٢٠٠ مل
الطريقه
نطحن البسكوت فى الكبه ناعم جدا بعد كده ننزل بالزبده ونقلبهم مع بعض ونبدى نوزعهم فى الكاسات
نضرب الكريم شانيه مع السكر وننزل بالميه شويه بشويه لحد ما الكريم شانيه يتقل معانا نضيف عليه الجبنه ونضربه مره تانيه بالمضرب الكهربائي لمده دقيقتين ونبتدى نضيف الكريمه على البسكوت
نضيف صوص الفراوله على الكريمه وندخل الكاسات الثلاجه لمده ٣ ساعات
لعمل صوص الفراوله
نصف كيلو فراوله
نصف كوب سكر
معلقه كبيره نشا
ربع كوب صغير ماء
نقطتين من اللون الاحمر ( اختيارى)
نقطع الفراوله نصفين ونضيف عليها السكر ونسبها على نار هاديه لمده ٢٠ دقيقه ندوب النشا مع الميه وننزل بيها على الفراوله مع اضافه نقطتين من اللون الاحمر ونسبها على النار لمده دقيقتين ونطفى النار ونسبها لحد ما تبرد او ندخلها الثلاجه لمده نصف ساعه
