البانيه

اسم الشيف :عبير سيد

مده التحضير: 30 دقيقه

مده التسويه: 5 دقايق

المقادير

نصف كيلو صدور دجاج

نصف كوب ميه بصل

2 معلقه كبيره زبادى

نصف معلقه صغيره بهارات السبعه

ربع معلقه صغيره فلفل اسود

ربع معلقه صغيره ثوم بودر

ربع معلقه صغيره بصل بودر

معلقه كبيره عصير ليمون

ملح

لتغطيه البانيه

كوب بقسماط ناعم

نصف كوب دقيق

معلقه كبيره نشا

2 بيضه

ربع كوب لبن

رشه ملح

رشه فلفل اسود

الطريقه

نقطع صدر الدجاج شرايح رفيعه جدا ونغسلها كويس .

نحضر طبق وننزل بميه البصل والزبادى وبهارات السبعه . والفلفل الاسود والبصل البودر والثوم البودر . وعصير الليمون والملح ونقلبهم كويس مع بعض . وننزل بشرايح الدجاج ونسبها فى التتبيله لمده ساعتين .

بعد كده نبتدى فى تغطيه البانيه ناخد قطعه من شرايح الدجاج . نعصرها كويس من ميه البصل وننزل بيها فى الدقيق والنشا . بعد كده ننزل بيها فى البيض واللبن بعد كده ننزل بيها فى البقسماط الناعم . بعد ما نخلص كل الكميه ندخله فى الفريزر . قبل القلى لمده نصف ساعه مهمه جدا . الخطوه دى علشان الطبقه الخارجيه تفضل ثابته على البانيه وما يفكش منك . اثناء القلى بعد ما يخرج من الفريزر.  نبتدى نقليه فى زيت ساخن بعد القلى . نخرجه ونرصه على شبكه علشان يفضل مقرمش معاكى .