جمعي القمامة الموجودة جوة البيت في كيس كبير ومتنسيش تفصليهم عن بعضهم
حتى تسهلي العمل على عامل النظافة وخلي بالك حاولي تضعي الزجاج المكسور في كيس
لوحده حتى متأذيش العامل .
روقي البيت علي خفيف كدة حطي كل حاجة في مكانها بسرعة .
واتعودي انك تضعي في كل غرفة بسكت تلمي فيه القمامة عشان متتعبيش واحرصي على انك تكنسي الارض
كل يوم وافتحي الشبابيك لتهوية البيت وخروج الطاقة السلبية ومتنسيش تشغلي قرأن كل يوم وعلمي اولادك انهم يوضبوا اوضهم اول مايصحوا ويساعدوكي ويتحملوا المسؤولية .
اتخلصي كل يوم من بواقي الاشياء عندك مثل كوباية مكسورة او طبق مشروخ واللبس المقطوع حاولى تخيطيه
وتتبرعي بيه للفقراء اعملي الحاجة اول بأول متأجليش حاجة كل حاجة ليها دورة
يجب تكمل الغسيل اللي نشف لازم تلميه الغسيل اتغسل يبقى يتنشر
استخدمتي اي حاجة ترجعيها مكانها على طول
رجعتي من بره فضي اكياس المشتريات ومترميش الاكياس الفاضية النضيفة شليها في كيس كبير ع جنب بتنفع جدا بعد كدة وعلقي هدومك وحطي جزمتك في مكانها اي حاجة بتاخد اقل من خمس دقائق اعمليها فورا اعملي سريرك
وروقي اوضتك اول ماتصحي امسحي الحمام ونضفيه واعملي بخاخ في كلور ومياه ورشي منه بعد استخدام الحمام للتعقيم وبعدين روقي الريسبشن برة ولمي الكركبة واكنسي الارض بسرعة لو محتاجة
