فراخ مشويه بدبس الرمان

مقدم من الشيف/ عبير سيد

مده التحضير : 20 دقيقه

مده الطهى : ساعه وربع

المقادير

فرخه متوسطه الحجم 1200 جرام

نصف كوب ميه بصل

علبه زبادى او معلقتين كبار

2معلقه كبيره صلصه

معلقه كبيره دبس رمان

معلقه كبيره بهارات فراخ

نصف معلقه. صغيره فلفل اسود

مكعب مرق دجاج

ملح

معلقه كبيره كاتشب لدهن الفراخ

الطريقه

نغسل الفراخ كويس جدا بالخل والملح.

والليمون

بعد كده نحضر طبق وننزل بالزبادى ودبس الرمان والصلصه وبهارات الفراخ ومكعب المرق والفلفل الاسود والملح

ونقلب التتبيله دى كويس جدا وننزل بيها على الفراخ ونغطى الفراخ ونسبها لمده ليله فى الثلاجه او لمده ساعتين

لو هتستخدميها فى نفس اليوم بعد كده نحضر صنيه ونملى نصفها ميه نحط على الصنيه شبكه ونرص عليها الفراخ

وندهن وش الفراخ بالكاتشب وندخلها الفرن ساخن مسبقا فى الرف اللى تحت لمده ساعه وربع او على حسب الفراخ

لما تستوى

بعد ما تخرخ من الفرن نكون محضرين فحمه ولعه على النار ونحط الفراخ فى طبق كبير ونحط الفحمه

فى طبق صغير وننزل على الفحمه بمعلقه من الزيت ونغطيها هى والفراخ بورق فورق

او بغطى علشان تاخد ريحه الفحم